Graduación

Moitísimas grazas por estes tres aniños onde cada día foi especial. Xodes 14 nenos e nenas moi especiais, cada un co seu "superpoder". Encantoume poder ser a vosa profe e levareivos sempre no meu corazón 💖

A seguir gozando da aventura!!!!

Xuño

Ains... o mes de xuño foi un mes moi intenso... eran os nosos últimos días xuntos e os desfrutamos a tope entre moitos mimos e abrazos. No video podedes ver como preparamos as invitacións para a graduación, algúns momentos que pasamos xuntos cos nosos compis de 1º, que están preparados para recibirnos cos brazos abertos na nova etapa de primaria; e algunhas fotiños do último día na excursión ao monte de Beade.

Xa estamos preparados para o verán! 🌞

Aniversario Izan e André

 Antes de que rematara o cole aproveitamos para celebrar o aniversario de André e Izan, xa que os dous cumplen 6 aniños no verán. As súas mamás preparáronnos unha busca do tesoro polo patio superemocinante e por un ratiño convertémonos en piratas!! 

Moitísimas grazas Yanira e Susana, pasámolo superben!! E parabéns (por adiantado) André e Izan!!🎂🎂🎂🎂🎂🎂

Xornada de convivencia con primeiro ciclo de primaria

O pasado martes día 3 de xuño, coincidindo coa semana do medio ambiente e co final de curso, xuntámonos cos compis de 1º ciclo para pasar un día xuntos e axudarnos a que o paso a primaria sexa máis doado. 

Moitas gracias amiguiños e profes! Con tanto agarino o paso a primaria será coser e cantar!

Sesión de acollida

Granxa Kiriko

 Este día foi moi especial para nós. Esta etapa tan bonita está a rematar e queriámola despedir pasando un día xuntos. Ir en autobús tan lonxe, comer todos xuntos... as primeiras veces sempre son especiais ;)

Encántame ser a vosa profe e vouvos levar sempre no meu corazón 💝

Abril e maio.

E por aquí tedes as cousiñas que fixemos os últimos días de abril e o mes de maio. Probamos os petiscos de "Galicia sabe amar", fixemos os marcapáxinas polo día do libro cos nosos padriños e madriñas, chegou a clase o noso formigueiro, tivemos a actuación das letras galegas... e tamén tedes algunhas fotiños da saída a sala de teatro Ártika. 😊

Aniversario Álex

No mes de maio celebramos o cumple de Álex. Coa axuda da súa mamá, Iria, fixemos slime e foi super pringoso e divertido!! Moitísimas felicidades Álex!! A desfrutar dos seis aniños!!💙💙💙💙💙💙

Aniversario Nara

A volta de Semana Santa festexamos o cumple de Nara. Coa axuda do seu papá, Jorge, estivemos na horta plantando leitugas, calabacíns e tomates. Valdo tamén estivo connosco axudándonos e dándonos consellos para o bo coidado dos nosos produtos. Moitos parabéns Nara!! A desfrutar dos seis aniños!🎂🎂🎂🎂🎂🎂

Aniversario Xoel

No mes de marzo tamén Xoel estivo de aniversario, xa ten 6 anos!! Aproveitamos que estamos inmersos no noso proxecto para facer un cumple olímpico! A súa mamá axudounos a facer  unha das cousas que máis nos gusta, cociñar! Fixemos as tortiñas olímpicas por equipos e quedaron así de chulas... Iso si, para poder comelas primeiro tiñamos que formar os aros olímpicos 😋

Moitísimas grazas mamá de Xoel por vir a pasar tempo con nós e parabéns Xoel 🎂🎂🎂🎂🎂🎂

Marzo e Abril

 Nesta entrada podedes ver algunhas das cousiñas que estivemos facendo estes últimos días. Coñecemos diferentes personaxes do entroido da nosa cultura, seguimos co noso proxecto das olimpiadas e demos comezo a primavera cun taller de arte "Campo de flores" que recolle Hervé Tullet no seu libro Diviértete.

Tamén poderedes ver algunhas cousiñas que fixemos por pascua 🐰🍫

Aniversario Jairo

En febreiro tamén celebramos o aniversario de Jairo, que xa deu 6 voltas oa sol!! A súa mamá axudounos a facer uns preciosos antifaces e tamén contamos coa axuda do seu irmán Saúl para facer unhas ricas filloas 😋

Moitísimas grazas familia por vir ao cole e parabéns Jairo!🎂🎂🎂🎂🎂🎂

Febreiro

O mes de febreiro pasou nun abrir e pechar de ollos mentres preparabamos os disfraces do entroido e deseñabamos os nosos propios narvais para meter nos frascos da calma do conto "Malina pies fríos". Entre outras cousas tamén coñecimos as obras de Kandinsky e Keith Haring, comezou a nosa investigación sobre algún dos países que participaron nas olimpiadas e despedímosnos de Ana, a chica de prácticas que acompañounos nalgunhas sesións.

Aniversario Estrela e Hugo.

En Xaneiro tamén festexamos os aniversarios de Hugo e Estrela e gozamos moitísimo coa sorpresa que nos tiña preparada as súas familias. Nada máis e nada menos que a obra de teatro sobre o conto dos irmáns Grimm "Os músicos de Bremen".

Estrela e Hugo tíñannos preparadas as entradas para a obra de teatro que captou toda a nosa atención. Despois convertimos as nosas mans nos diferentes animais protagonistas do conto e tamén fixemos marionetas.

Moitísimas grazas familias por vir a compartir tempo con nós e parabéns aos nosos compis Hugo e Estrela! 🎂🎂🎂🎂🎂🎂

Xaneiro

 No mes de Xaneiro desfrutamos moito dos xogos de mesa que nos trouxeron os reis e coas diferentes propostas relaciondas coa estación do inverno. Tamén coñecimos por primeira vez a impresora 3D e a cortadora láser. 

Agasallos dos Reis

Os reis magos pasaron pola nosa clase!! Á volta das vacacións tiñamos un saquiño con tres xogos🎁🎁🎁

Aniversario Lois, Aine e Greta.

No mes de decembro tamén festexamos o cumple de Lois, Aine e Greta. Fixemos un rico roscón entre todos e adornos para a árbore de Nadal con abalorios e arxila blanca. Moitas grazas familias por vir ao cole e parabéns aos tres amig@s! 🎂🎂🎂

Decembro

E por aquí o mes de decembro que pasounos nun abrir e pechar de ollos facendo galletas, manualidades e preparando a panxoliña para o gran día do festival de Nadal. Se o último día do trimestre xa era emocionante de por si, atopar un agasallo á volta do festival fíxoo insuperable 🌠

Novembro

Aquí tedes algúns dos momentos que vivimos en novembro onde, entre outros, disfrutamos de ricos zumes de laranxa, da visita dos nosos padriños e madriñas para contarnos en que nos sentimos olímpicos e olímpicas e rematamos o mes cun divertido concerto do grupo "Chungo pastel".

Aniversario Claudia

Este xoves celebramos o aniversario de Claudia aínda que foi en outubro cando rematou a súa 5ª volta ao sol. Compartiu connosco algúns recordos da súa vida e un conto moi especial: "¡Vivan las uñas de colores!"

Despois tod@s puidemos xogar a pintarnos as uñas con diferentes cores para rematar compartindo un rico biscoito.

Parabéns Claudia e grazas a súa mamá por acompañarnos 🎂

Samaín

E por fin chegou o día!!👻

Durante a semana fixemos cousiñas de "medo" pero deixámosvos unhas fotiños deste día tan terrorífico.

Moitas grazas familias, porque sen vós non poderíamos ter unha exposición de cabazas e cestas tan chulas.🎃