Saída a Gondomar.

Ir de "excursión" é unha das cousas que máis nos gusta, só coller o autobús xa nos entusiasma. Deixámosvos unhas fotiños para que vexades que a pesar da choiva puidemos desfrutar moitísimo. Primeiro vimos o Belén en movemento nas intalacións da policía local e mentres esperabamos a que abrira tivemos a sorte de coñecer ao policía Simón que explicounos con moito agarimo varias cousas do seu traballo. Despois camiñamos ata correos e botamos no buzón as postais de Nadal, ademais deixáronnos entrar para ver como caian as cartas. E xa por último, gozamos dun merecido chocolate quentiño e rosquillas en cristaleiro.

Aniversarios Greta, Lois e Aine.

No mes de decembro Aine, Lois e Greta cumpriron 3 aniños e o festexamos no cole coa axuda das súas familias. Fixemos uns adornos con masa de sal que como xa puidestes ver quedaron chulísimos. 

Pasamos unha mañá xenial! Grazas familias pola vosa colaboración.   

Propostas de Nadal

No mes de decembro fixemos moitas cousas no cole: ensaiamos a panxoliña, fixemos adornos, o calendario, experimentos... pero sobre todo gozamos moito desta época do ano tan especial.

Propostas outubro e novembro.

Bo día! Deixámosvos un vídeo para que poidades ver algunhas das propostas que levamos ao cabo nos meses de outubro e novembro. Saúdos!

Festa de Samaín

O pasado 28 de outubro festexamos no cole o Samaín e non puidemos pasalo mellor! Para ser o noso primeiro Samáin non nos asustamos case nada 👀.

Para ver a exposición de cabazas e cestas de outono tivemos que pasar por un túnel moi escuro 👻. Pero o que máis nos gustou foi meter a man nas caixas e adiviñar que había dentro (aínda que algúns preferiron ver como o facían os compis 😅).

Deixámosvos o vídeo coas fotos para que poidades ver que medo dábamos disfrazados.

Grazas familias por colaborar a que este día fora máxico traendo as cabazas e  as cestas.

Aniversario de Claudia

 Ola familias!

O pasado xoves 20 de outubro festexamos o cumple de Claudia que xa ten 3 anos!!

Fixemos un obradoiro de madalenas de cabaza coa axuda da profe Bibi e de María, a mamá de Claudia.

Despois Claudia contounos un pouquiño a historia da súa vida e compartimos un biscoito que estaba boísimo. Deixámosvos o seguinte vídeo para que poidades ver que mañá máis divertida pasamos.

Moitas felicidades Claudia!

Romería da horta!

    Ola familias! 

    Esquecíamonos de contarvos unha cousa moi importante que pasou o venres!

Resulta que cando chegamos ao cole o venres pola mañá, atopámonos cunha sorpresa. 

    Ao principio non tiñamos nin idea de quen no lo deixara ata que lemos a carta e soupemos que era a ANPA do cole!!

    Queren axudarnos a arranxar a horta! E estamos moi agradecidos xa que hai moito traballo que facer. 

    Como podedes ler na carta o sábado 5 de novembro farase unha "Romería da horta" para poder deixala ben chula e despois celébralo tod@s xuntos pero claro, antes temos que pensar ben que necesitamos facer na horta e como pode axudar cada un de nós. 

    Na clase xa estivemos a falar sobre que é unha Romería e tamén que gustaríanos utilizar este curso a horta e poder plantar as fabas pintas que nos deixaron. Fixemos unha lista cos materias que pensamos que imos precisar para o día da romería.

    Bueno familias, pois agora é o voso turno. 

    Durante esta semana falade cos vosos fillos e fillas de como lles gustaría que fose a horta do cole, se podedes axudar o sábado 5 de novembro e como. Facédellelo chegar á profe escrito nun papel o xoves como moi tarde, xa que este venres temos que reunirnos coa ANPA para trasmitirlle a información.

    Noraboa ANPA Santa Mariña por esta iniciativa!