Decembro

E por aquí o mes de decembro que pasounos nun abrir e pechar de ollos facendo galletas, manualidades e preparando a panxoliña para o gran día do festival de Nadal. Se o último día do trimestre xa era emocionante de por si, atopar un agasallo á volta do festival fíxoo insuperable 🌠

Novembro

Aquí tedes algúns dos momentos que vivimos en novembro onde, entre outros, disfrutamos de ricos zumes de laranxa, da visita dos nosos padriños e madriñas para contarnos en que nos sentimos olímpicos e olímpicas e rematamos o mes cun divertido concerto do grupo "Chungo pastel".

Aniversario Claudia

Este xoves celebramos o aniversario de Claudia aínda que foi en outubro cando rematou a súa 5ª volta ao sol. Compartiu connosco algúns recordos da súa vida e un conto moi especial: "¡Vivan las uñas de colores!"

Despois tod@s puidemos xogar a pintarnos as uñas con diferentes cores para rematar compartindo un rico biscoito.

Parabéns Claudia e grazas a súa mamá por acompañarnos 🎂

Samaín

E por fin chegou o día!!👻

Durante a semana fixemos cousiñas de "medo" pero deixámosvos unhas fotiños deste día tan terrorífico.

Moitas grazas familias, porque sen vós non poderíamos ter unha exposición de cabazas e cestas tan chulas.🎃

Outubro

En outubro tamén estivemos moi ocupados. Coñecemos a Louise Bourgeois e algunhas das súas obras, tivemos a visita dun becho pau, soltamos os bechos que tiñamos na clase para observar, os amigos da clase de 4 anos invitáronnos a facer pan e logo merendamos uns ricos bocatas, puxémoslle nome aos equipos...  

Ademais, o martes 15 de outubro fixemos un Obradoiro pola inclusión e a non violencia organizado pola ANPA. Tivemos a sorte de coñecer a figura de Maruja Mallo, unha gran pintora valente que formaba parte dun grupo de mulleres artistas coñecidas como "Las Sinsombrero".

Por suposto tamén celebramos a festa do Samaín e fixemos un obradoiro mostruoso cos nosos compis de infantil. Podedes velo pinchando neste enlace.

http://infantilvincios.blogspot.com

Aniversario Naír, Julia, Izan e André

En setembro tamén festexamos 4 cumples! Ademais do cumple de Julia e Naír, tamén aproveitamos para festexar os cumples de Izan e André que naceron no verán. 

Gozamos dunha mañá marabillosa vendo as fotos que nos trouxeron os cumpleañeir@s e facendo unha manualidade moi divertida para logo rematar cunha merendola.

Moitísimas grazas familias por vir a compartir tempo connosco e parabéns aos homenaxeados.🎂🎂🎂🎂

Setembro curso 2024-2025

Aínda que tarde, arrancamos o blogue neste novo curso escolar! 

Deixámosvos un vídeo cos momentos máis destacados deste mes. Nos primeiros días fomos poñendo a punto a clase, lavamos algúns xoguetes, coñecemos novos xogos... Contamos o conto "Becho pelota" e decatámonos de que moitos dos bechos que aparecen no conto viven tamén no noso patio. Eses, e moitos máis! 

A nosa curiosidade polos bechos e infinita, quedamos alucinados coa cantidade que atopamos pero as arañas lévanse o premio! Non paramos de atopar arañas o que nos levou a investigar máis sobre elas para coñecelas mellor.

Ademais fixemos unha actividade moi bonita, unha caixa misteriosa que dentro tiña a imaxe da persoa máis especial das nosas vidas.