Aniversario de Álex

Este mes cumpriu 4 aniños Álex! Os seus pais viñeron celebralo connosco ao cole e contáronnos un conto que nos encanta á vez que danos un pouquiño de medo. "Cocorico"

Despois fixemos un rico biscoito entre tod@s e ao día seguinte o merendamos. Moitas grazas pola vosa axuda papis e parabéns Álex!

Aniversario de Nara

O pasado 15 de abril Nara cumpriu 4 aniños! E festexámolo coa compañía da súa mamá facendo uns colares de margaridas ben chulos. Grazas Esther e Parabéns Nara!!

Propostas 2º trimestre

Deixámosvos un vídeo con algunhas das propostas que realizamos durante o segundo trimestre. É un pouco longo 🙈 pero esperamos que vos guste.😊

Madriñas e padriños

    Gústanos moito estar cos padriños e madriñas. Poñémonos moi contentos e contentas cando os atopamos polos corredores ou cando véñennos visitar ao recreo. O día que facemos actividades conxuntas sempre é un día especial. 

    Deixámosvos dous vídeos para que poidades velo; un do día de Rosalía onde decoramos xuntos uns pensamentos, e outro do día da Poesía onde os padriños e madriñas recitáronnos unha poesía personalizada fermosísima e nós regalámoslles un marcapáxinas e unha poesía de Anxo Iglesias. Máis abaixo tamén os deixamos as entradas ao blogue do segundo ciclo onde podedes ver máis fotos.

Grazas padriños e madriñas por coidarnos tanto!!

http://segundociclovincios.blogspot.com/2023/03/23-de-febreiro-dia-de-rosalia.html

http://segundociclovincios.blogspot.com/2023/03/poemas-afillads.html

Aniversario Jairo e Xoel

O pasado 2 de marzo festexamos o cumple de Xoel e Jairo. 🎂🎂🎂As súas mamás viñeron pasar a mañá connosco e ensináronnos a preparar unhas ricas tortitas. As favoritas de Jairo para almorzar!

Moitas grazas Encarna e Olalla 😊 e parabéns Xoel e Jairo!!!

El muro

A profe Bibi contounos o conto "El muro" en psico e xogamos a ser os animais da historia. Representamos o conto construindo un muro para logo derribalo, como fixeron os animais.

Aproveitando este conto que gustounos tanto, traballamos na aula o Día Escolar da Non Violencia e da Paz. Así que, o 30 de xaneiro cando chegamos á aula atopámonos cun muro que a dividía a metade. E agora que facemos? Como imos ao baño? Como chegamos aos recantos?... Comezamos a facernos preguntas e aproveitamos para ler na asamblea outra vez o conto "El muro".

Decidimos como os animais da historia que queriamos tirar o muro pero antes aproveitamos para falar das cousas que non nos gustan. As cousas que non nos fan sentir en paz. 

Que nos quiten os xoguetes das mans, que nos berren, que as nosas nais teñan que traballar e non poidan estar con nós...  foron algunhas das cousas que máis se repetiron. Así que as debuxamos no muro. 

O gran formato do papel e ao estar o soporte en vertical, permitiunos establecer unha nova relación co debuxo e o noso corpo.

Tamén decidimos que queriamos outro sitio para poder debuxar o que si nos gusta, as cousas que nos fan sentir ben, as que nos transmiten  calma.

Cando rematamos rompemos o muro de xeito transgresor!!

Ao día seguinte, na asamblea da mañá, reflexionamos sobre o que fixeramos o día anterior, como nos sentimos coas cousas que nos gustan e como coas que non. E xa que tiñamos o noso muro feito en pedazos decidimos darlle unha volta ao que non nos gusta e convertelo en algo que nos agradase. Fixemos elefantes de orellas grandes e de orellas pequenas como os do conto.😅

 

Aniversarios Estrela e Hugo

    No mes de xaneiro estiveron de cumple Hugo e Estrela, xa cumpriron 4 anos!!
    Para celebralo as súas familias contáronnos un conto precioso, "A mellor sopa do mundo", onde os animaliños do bosque van xuntándose en casa de tartaruga para facer unha sopiña ben rica. Así que, co frío que vai estes días, nós tamén quisemos facer unha sopa que por certo estaba boísima!! 

    Como veredes nas fotos fainos moita ilusión cortar, pelar e picar as verduras. Fomenta a nosa autonomía e polo tanto a nosa autoestima. Animámosvos a que deixedes que as crianzas colaboren convosco nas tarefas de cociña.

Moitísimas grazas familias pola vosa colaboración e parabéns Estrela e Hugo!